Cucumber Pest management
This topic is not available in your language yet. Showing Sinhala or English from HORDI.
Pest Management
This description will be available soon… Till then, please access the Sinhala language page on insect control through below link.
View in Sinhala
Source: HORDI / DOA. Horticultural Crop Research and Development Institute, Department of Agriculture, Sri Lanka. Confirm before you spray or spend.
පළිබෝධ කළමනාකරණය
අවුලකපෝරා කුරුමිණියා
මිලිමීටර් 5 ක් පමණ ශරීරයක් සහිත කණාමැදිරියකු වැනි දිගටි කුරුමිණියකි. තැඹිලි , දුඹුරු, හා කළු වර්ණ සහිත විශේෂ ඇත.විශේෂයෙන්ම පැළ වගාවන්හි පත්ර සිදුරු ලෙස කා දමා විශාල හානියක් සිදු කරයි. හොදින් වර්ධනය වූ ශාක වලට ආර්ථිකව හානි කරන්නේ ඉතා අඩුවෙනි. කීට අවස්තාව පසේ සිටින අතර වගාවේ පැළවල මුල් ආහාරයට ගෙන හානි කරයි.
පැරණි බෝග ශේෂ විනාශ කිරීම , වරින් වර නව වගාවන් ඇරඹීම , වගාවන් ආරම්භයේදීම මීටර් 02 ක් පමණ ආවරණය කිරීම , ස්වභාවික සතුරන් රැකගැනීම, හානිය ආරම්භයේ සිටම මෙම කුරුමිණියන් භෞතිකව විනාශ කිරීම, අත්යවශ්ය වුවහොත් පමණක් නිර්දේශ පරිදි කෘමිනාශක භාවිතය මේ සදහා කල යුතුය
මේ සඳහා නිර්දේශිත කෘමිනාශක
එපිලැක්නා කුරුමිණියා
මිලිමීටර් 4 ක් පමණ දිගය. අර්ධ ගෝලාකාර හැඩති දුඹුරු පැහැති සහ කළු තිත් සහිත කුරුමිණියෙකි. කීටයා කහ පැහැතිය , සිරුරෙහි කටු සහිත බවක් ඇත. කුරුමිණිය සහ කීටයා පත්ර සූරා කයි. බිත්තර ලා කහ පාටය, දිගටි හැඩයකි.20-40 ක පමණ පොකුරක් ලෙස පත්ර මත අලවා තබයි.
හානිය දුටු විගස නිවැරදිව හදුනාගෙන කුරුමිණියා, කීටයා සහ පිලවා එකතු කර විනාශ කරන්න. පැරණි වගා ශේෂ අස්වනු නෙලීම අවසන් වූ වහාම උගුල්ලා, විනාශ කරන්න , නව වගාව මීටර් ½ ක් පමණ උසට ආවරණය කරන්න
ඉල් මැස්සා
මිලිමීටර් 8ක් පමණ දිග දුඹුරු පැහැති මැස්සෙකි, පියාපත්වල කළු ලප දෙකක් ඇත. කරවිල කුලයේ ලපටි ගෙඩිවල පොත්ත සිදුරු කර, දිගටි, ක්රීම් සුදු, බිත්තර 6-12 ක් පමණ දමයි. එයින් පිට වන සුදු පැහැති , පාද රහිත ඉහදයින් ගෙඩියේ මදය ආහාරයට ගන්නා නිසා ගෙඩියේ මදය කුණු වේ. ගෙඩි අක්රමවත් හැඩති වේ. වැඩුණු කීටයින් පසෙහි කෝෂ ගත වී නැවත මැස්සන් බවට පත්වේ. ජීවන චක්රය මාසයක් පමණ වන අතර වසරකට පරම්පරා 10ක් පමණ ඇති වේ. බොහෝ වේගයෙන් මැස්සා දුර පියාඹන නිසාත් ඉක්මනින් බෝවන නිසාත් විශාල අස්වනු හානියක් කරයි. එමෙන්ම හානි වූ ගෙඩි ප්රවාහනයෙන්ද , හානිය සහිත වගාවන් පවත්වා ගැනීමේදී මෙය තව දුරටත් වර්ධනය වේ. පාලනය සදහා සෑම විටම මෙම කීටයන් සහිත ගෙඩි විනාශ කිරීම, පැරණි වගාවන් අස්වනු නෙලිමෙන් පසුව උගුල්ලා විනාශ කිරීම, නව වගාවන් මීටර් 02 ක් පමණ උසට ආවරණය කිරීම, පස ගැඹුරට සී-සෑම, කියූලියෝර් නමැති පෙරමෝනය අඩංගු ඉල් මැස්සා සදහාම වන උගුල දිගු කාලීනව වගා බිමේ සවිකර පිරිමි මැස්සන් විනාශ කිරීම, ගෙඩි ලපටි අවස්ථාවේදීම පොලිතින් හෝ කඩදාසි මගින් ආවරණය , වගාවේ මල් පිපිම ආරම්භ වූ විට නිර්දේශිත කෘමිනාශක මිශ්ර කරන ලද ප්රෝටීන ඇම, උදයවරුවේ මීටර් 3-4 ක පමණ පරතරය සහිතව වගාවේ තැනින් තැනට පත්ර යටි පැත්ත තෙමෙන ලෙස දින 7 කට වරක් ඉසින්න, නැතහොත් උගුලක් ලෙස මැස්සන්ට ඇම ආලේපකර එල්ලා තැබිය හැකිය.
මයිටාවන්
ඇසට පෙනෙන නොපෙනෙන තරම් කුඩා තැඹිලි /රතු පැහැති ගෝලාකාර හැඩති සතුන්ය. පත්ර මතුපිට සූරා යුෂය ආහාරයට ගනී. උෂ්ණ හා වියළි විට හානිය වැඩි වේ. යුෂය උරාබීම නිසා පත්ර වල කොළ පැහැය අඩුවී පහසුවෙන් කැඩෙන සුළු ස්වභාවයකට පත්වේ. පැරණි බෝග ශේෂ නව වගාවන්ට පෙර විනාශ කිරීම , සවස් කාලයේදී වගාවට ජලය ඉසීම. නිර්දේශිත මයිටා නාශක ඉසීම මෙම හානිය පාලනය කිරීමට උපකාරී වේ.
සුදු මැස්සා
මිලිමීටර් 1ක් පමණ දිග , සුදු පැහැති, පියැඹියහැකි කෘමියෙකි. පණුවා පැතලි කොළ/දුඹුරු කොරපොත්තක් වැනිය. ශාක පත්ර විද යුෂය උරාබොයි.වෛරස් රෝග වාහකයෙකි. පැරණි වගා ශේෂ නව වගාව ඇරඹීමට පෙර උගුල්ලා විනාශ කිරීම , වගාව ආවරණය කිරීම , නිර්දේශිත පරිදි පොහොර භාවිතය , සවස් කාලයේදී ජලය ඉසීම හා නිර්දේශිත පරිදි කෘමිනාශක භාවිතයෙන් මෙම හානිය පාලනය වේ.
කුඩිත්තා
මිලිමීටර් 1-2 ක් පමණ දිග කහ / කොළ/ දුඹුරු/ කළු පැහැතිය. මෘදු හා දිගටි / ගෝලාකාර ශරීර සහිත රංචු ලෙස ලපටි ශාක කොටස් මත නිසොල්මන්ව ජීවත්වේ . ශාක පටක විද යුෂය උරාබොයි, සීනි සහිත උකු ද්රාවණයක් සිරුරේ අපර කොටසේ ඇති ග්රන්ථි වලින් පිටකරයි. වෛරස් රෝග වාහකයින්ය.
පාලනය සදහා පැරණි බෝග ශේෂ විනාශ කිරීම , වගාව ආවරණය කිරීම නිර්දේශිත පරිදි පොහොර භාවිතය , හානියේ මුල් අවස්ථාවේදී අතින් හෝ බුරුසුවක් වැනි දෙයකින් පිසදා දැමීම , සවස් කල ජලය ඉසීම හා නිර්දේශිත පරිදි කෘමිනාශක ඉසීම සුදුසුය. කුඩිත්තන් ආහාරයට ගන්නා ඉඹි කුරුමිණියන් මැසි කීටයින් වැනි සතුන් මෙන්ම පරපෝෂිත දෙබරුන්ද ස්වභාවික පරිසර තත්ත්වය යටතේ කුඩිත්තන් පාලනයට උපකාරී වේ.
| කෘමිනාශකය | දියකළ යුතු ප්රමාණය |
|---|---|
| දින 10 කට වරක් කුඩා පැළ අවධියේ | |
| ක්ලෝරැන්තැනිල්ප්රෝරෝල් 185g/1SC | මිලිලීටර් 32/ ජලය ලීටර් 16 |
| ස්පිනෝසාඩ් 25g/ 1 SP | මිලිලීටර් 16/ ජලය ලීටර් 16 |
| ලොකු වැල් සඳහා දින 14 ට වරක් | |
| තයෝසයික්ලාම් 50% SP | ග්රෑම් 25/ ජලය ලීටර් 10 |
මූලාශ්රය: HORDI / DOA. ශ්රී ලංකා කෘෂිකර්ම දෙපාර්තමේන්තුව. ඉසීමට හෝ වියදම් කිරීමට පෙර තහවුරු කරගන්න.
பீடை முகாமைத்துவம்
இந்த விளக்கம் விரைவில் கிடைக்கும் … அதுவரை தயவு செய்து கீழுள்ள இணைப்பு மூலம் சிங்கள மொழி பக்கத்தின் பூச்சி கட்டுப்பாட்டை அனுகவும்.
சிங்களத்தில் பார்க்க
மூலம்: HORDI / DOA. இலங்கை விவசாயத் திணைக்களம். தெளிக்கும் முன் உறுதிப்படுத்துங்கள்.